Bi hitzordu garrantzitsu urriaren 24 eta 25ean

Sailkatu gabea, Zer berri ?

Bi hitzordu garrantzitsu ditugu urriaren 24 eta 25ean :

  • Xalbador kolegioan, urriaren 24tik 25era, Integrazio Batzordearen Brik a Brak-a.
    Jaz lehen aldikotz antolatu zen, arrakasta handiz. Bi egunez, altzari, liburu, tresna, joko, jauntzi, basera eta zernahi erosten ahalko duzue, prezio onean.
    Etekinak Integrazio Batordearentza izanen dira, elkarte horrek segi dezan ahalmen urritasuna duten ikasleei laguntza eslaitzen Seaskaren baitan.
    Xalbadorreko burasoak deituak dira lan txanda baten hartzera, eta itzuli baten egitera ere aste buru horretan.
    brik a brak Kanbo

 

  • Baionan, urriaren 24ean, 17etan, DEIADAR manifestaldia
    Hitzordu garrantzitsua, Euskara hizkuntza ofiziala izan dadin aldarrikatzeko, bai eta ere Euskal Herri Elkargoaren sortzea eskatzeko.
    Xalbadorreko burasoak manifaren ondoko pestan talo erretzen ariko dira.
    deiadar2015

2015/2016 ESKOLA SARTZEA

Zer berri ?

Eskola sartzea goxoki iragan da. Aurten 339 ikasle ditugu, Xalbadorren sekulan izan ez den kopurua : 14 gela ditugu (lau 6.etan eta 5.etan, eta hiru 4.etan eta 3.etan).
Pedagogia arloan ikastetxe proiektua garatzen segituko dugu, ikasle bakoitzaren beharrei ahal bezain ongi eranztunez.
Antolaketari dagokionez, ikastetxearen kapazitatearen mugetara hurbiltzen ari gara, eta aurten Administrazioa Kontseiluaren baitan ikertu beharko dugu heldu den urteko sartzea nola antolatu, jakinez Baionako kolegioa ireki aitzin (2017/2018 ikasturtean) azkena izanen dela. (gehiago…)

Ongi etorriak !

Zer berri ?
Ongi etorri Xalbador Kolegioaren web-gunera.
Duela aspaldi ukan genuen web gune bat, baina azkenean lokartu zitzaigun.
Joan den neguan, Xalbadorreko Administrazio Kontseiluan “Garapena” lan batzordeko ordezkariaren eskutik web-gune baten sortzea pentsatua izan zen.

(gehiago…)

GANER HUSTEA KANBON XALBADORREN ALDE !

Zer berri ?

 

Apirilaren  26ean KANBO JUDO elkarteak ganer hustea antolatzen du Kanboko ezker paretan.

Irabaziak Xalbador kolegioari eskeiniak izanen dira, berrikitan Espainiako auzitegiek Gipuzkoako Diputazioak Xalbador kolegioarentzat bozkatu zuen 600 000 €-ko laguntza debekatu baitute.

Bihotzez eskertzen ditugu Kanbo Judo elkarteko kideak jestu eskuzabal horrengatik.

Gure burasoak nahi ditugu motibatu egun horretan itzuli bat egin dezaten Kanboko Ezker (gehiago…)