xalbador-(r)en bidalketa guztiak


KASU, IKASTOLA KEXU !!

Gaur, maiatzaren 30ean, Seaskaren deiari erantzunez Xalbadorren, beste 30 bat tokitan bezala, protesta egin dugu Hezkunde Nazionalaren jarreraren salatzeko : ez dizkigute ikasteko behar ditugun ahalak eman nahi, eta gure proiektua arriskuan ezartzen dute. Aski da, Euskaraz bizi eta ikasi nahi dugu, eta baldintza duinetan !!


2018/05/04ko tanborrada Baionan

Mezu honen bidez Xalbadorreko partaide guziak (ikasle, buraso eta langile) eskertu nahi ditugu joan den ostiraleko tanborrada arrakastatsuaren ondotik. Zinez balio zuen hainbeste lan hartzea (informazioa eman, bilkurak, T-shirtak, banderolak, tanborrak eraiki, entseguak egin…).
Seaska osoko kide guzien  lana eta parte hartzeari esker lortu dugu Baionako karrikak betetzea eta gure aldarrikapena Pariseraino entzunaraztea. Baionako karrikak ubelez, gorriz, berdez, urdinez, laranjaz eta kolore guziz bete ditugu, alaitasunean kure kexua erakutsiz.

Seaskarentzat ez baita deus aldatu, denak mobilizatuak egon gaitezen, seguraski beste ekintza batzuk beharko baitira ! Eta lehen hitzordua igandean Senperen, prefosta !!

Kasu, Seaska kexu !!


Ebaluazio fitxen irakurtzeko laguntza

Bigarren hiruhileko gelako kontseiluak pasaturik, eta ebaluazio fitxak eskuraturik, artikulu honen bukaeran diren lexikoak balia ditzakezue fitxan idatzia dena hobeki ulertzeko.
Irakurketa on !

 

Horra Xalbador kolegioan aldarrikatzen duguna : Murgiltze sistema eraginkorra, partaideen arteko komunikazio hizkuntza naturala Euskara izanen dela segurtatuko duena.

a) Euskara, soilik irakaskuntzarako hizkuntza bilakatzen bada, IKASTOLArik EZ DA !
b) Buraso gisa, gurekin engaiatzera deitzen zaituztegu, hautatu duzuen ereduarekin koherentzian. Horretarako bide batzuk :

  • euskara dakienak ahal bezainbat erabiliz, euskarazko ekimenak hautatuz,
  • euskara menperatzen ez duenak ere euskarazko ingurugiro bat eraiki dezake : euskarazko irrati/TB/musikak/kantuak etab…entzunez edo ezarriz, guk profesional gisa murgiltze ereduan proiektuak eta ateraldiak euskaraz segurtatzen ditugun bezala
  • euskara hutsean egiten dugun antolaketa administratiboa onartuz : gela kontseiluak, ikaslearen ebaluazio fitxak onartuz (orientazioari lotuak direnez kanpo, hauek frantsesera itzultzen baitira orientazio beharren arabera), kulpabilizazio edo gaizki sentitu gabe
  • batzuetan zuen haurrekin zailtasunetan aurkitzen ahal zaretela onartuz
  • zuen burua partaide oso gisa kokatuz, laguntzeko eskainia zaizuen tresna oro erabiliz : zurkaitz, irakasle, idazkaritza, zuzendari, hezkuntza aholkulariekin harreman zuzenak baliatuz,

Hezkuntza taldeak, bere aldetik oinarrizko hiztegi bat landu eta proposatzen dizue. Hiztegi horretan aurkituko dituzue ebaluazio fitxetan edo lotura liburuxketan atzeman daitezkeen hitz edo erran molde batzuk. Baina erran gabe doa zuen haurra dela zuen laguntzailerik hoberena  !

Lexikoa

Ebaluazio fitxak irakurtzeko laguntza


PAK proiektu artistikorako gomita : apirilaren 29an, Bastidan

“Ai Tech” ???
Hori da 3.eko ikasleen proiektu artistikoaren izen berezia.
Zer ote da ?
Aste batez lanketa berezia egin eta, 3.eko ikasleek haien sorkuntza aurkeztuko digute apirilaren 29an, ostiralarekin, 19:00etan Bastidako Inessa de Gachen gelan. Kurtsoetan (gorputz-heziketan, musika eta euskaran) egin lana Maika Etxekopar antzerkilaria eta Pette Etxebarria bideo egilearekin osatu ondoan, jakiten ahalko dugu zer den “Ai Tek” hori !!
Hemen beherean jaisten ahal duzue gomita.
Bastidan elkar ikusten dugu ?

PAK gomita 2016


Komunikazio Ez Bortitza : burasoendako tailerrak

Otsailaren 11an, Hezkuntza Taldeak Komunikazio Ez Bortitzari buruzko gaualdia antolatu zuen.
Aurkezpenaren animatzeko, Joëlle Van Dijk formatzailea errezibitu genuen, eta galdera-erantzunen bidez gaiari buruzko argibide batzuk eman zituen.
Maialen Etxartek, ondotik, Xalbador kolegioaren burasoei zuzenduak diren hiru tailer proposatuko dituela erran zigun. Tailerrak larunbata goizez iraganen dira, martxoaren 12an, apirilaren 16ean eta maiatzaren 5ean. Hoberena denetan parte hartzea da, bestela zentzua galtzen du.
Hemen duzue izena emateko fitxa.