Urteko artxiboak: 2022

EUSKARALDIA 2022

Sailkatu gabea, Zer berri ?

ZER : Euskararen erabilpena bultzatzeko helburua duen ariketa.
NOIZ : Azaroaren 18tik abenduaren 2ra.
NON : Euskal Herri osoan egiten den ariketa da.
NOR : Denei zabaldua da, euskara erabiltzen dutenei baita ikasten dutenei ere 16urtetik goiti.
NOLA :“Ahobizi” rolaren helburua: Euskara ulertzen dutenekin euskaraz aritzea eta ez dakigunean ulertzen duten lehen hitzak euskaraz.
“Belarriprest” rolaren helburua: Nire gaitasun eta aukeren arabera erabakitzen dut euskaraz noiz eta norekin egin baina nirekin dakitenak euskaraz aritzea nahi dut.
LELOA : “Hitzez ekiteko garaia”.

Xalbador kolegioan ere euskaraldian parte hartu dugu gure euskaraldia eginez.

Egunero ikasle bakoitzak neurtu du bere euskararen erabilpena : “Ni, gaur, atzo baino gehiago euskaraz aritu naiz” ekimenarekin.

Ekimen desberdinak proposatuak izan zaizkie : txapak egitea, Euskaraldiaren koreografia ikastea, kolegioa apaintzeko bandelorak egitea.

GAIA elkartearekin tradiziozko euskal joko eta kirolak entseatu dituzte ikasleek :

IEPko ateraldia : Mahatsen bilketa

Sailkatu gabea, Zer berri ?

Aurten ere, urtero bezala IEP-eko ikasleek ateraldia egin dugu.

Hontakoan Baigorriko Bikarinea etxaldekoek beraien etxeko ateak edeki eta mahats biltzeko lana ezagutzerat gonbidatu gaituzte. Honez gain, sotoko lana nolakoa den ere ikusi ahal izan dugu.

Gogotik lan egin dugu eta zuekin egotea plazer bat izan da!

Milesker zuen harreragatik!

IALA : “Iturri zaharretik ur berria”

Zer berri ?

Iturri zaharretik ur berria

Aste honetan guk ere iturri zaharretik edan dugu. Gure iturri zaharra euskal kantagintza herrikoia izan da : aspaldiko kantu herrikoiak, baita XX. mendearen 60. eta 70. hamarkadetan sortutako kantu batzuk.
Ikusi dugu kantu zahar horiek iturriaren ur berria bezala direla : ondare bizia, gure kulturan ongi sustraituak eta belaunaldi guzienak. Atzokoak, egungoak eta biharkoak !
Kantu bakoitzaren historia eta ezaugarriak landu ditugu: egilea, kantaria, aipaturiko gaia(k), lemak, testuinguru historikoa, mezua (baldin bada), adierazten eta sortzen dituzten emozioak, haien garrantzia Euskal Herrian (jendeak nola errezibitu duen ? Bere eragina gizartean ?…)…

Kantaldia kolegioan

Urriaren  18an opari ederra ukan dugu : Maider Iciaga, Nahia Zubeldia, Kamila Zubeldia, Aguxtin Alkhat, Watson, Mixel Ducau, Peio Ospital eta Amaia Aire kantariek bisita egin digute. Geletan ibili dira, ikasleekin mintzatzen, eta arratsaldean kantaldia eskaini digute, 300 ikasleen aitzinean.

Baga Biga Higa mintzaldia, Eñaut Elorrieta eta Mikel Markez kantariekin

Urriaren 19an, Sanoki gelan (Itsasu) gurasoak eta ikasleak kantaldi-mintzaldi baten entzutera gonbidatuak izan dira. Gaualdi polita izan da, guraso eta ikasle anitz hurbildu dira.
Proiektua : “Baga, biga, higa euskarazko musikaren transmisioa eta sustapena
helburu dituen proiektua da. Multimedia formatuko hitzaldi-
kontzertuen bidez, ikus-entzuleari euskal musikaren historiaren
gaineko begirada eskaini nahi zaio, 60. hamarkadaren aurreko
garaietatik hasi eta gaur egunera artekoa.”

Kantaldia ikastetxean.

Baga Biga Higa mintzaldia Itsasun.

Kantu piknika

ERASMUS proiektua

Zer berri ?

Linking Intuition and Knowledge in Education – LIKE proiektuaren baitan urriaren 9tik 15era Xalbador Kolegioak errezibitu ditu Europako beste 5 estatu eta nazioetatik irakasle eta ikasleak.

Portugala, Italia, Estonia, Erresuma Batuak eta Maiorkako Palmatik etorri dira 13 irakasle eta 17 ikasle.

Intuizioan oinarrituz eta artea erabiliz, jakitateak nola barneratzen ahal dizkiegun ikasleei izan dute irakasleek aztergai.

Ikasleek aldiz, 3 euskal artisten laguntzarekin ikasi dute gai batzuen inguruan (klima, aniztasuna eta nortasuna) gogoeta lan bat nola antolatzen eta gogoeta horren berri, teknika artistikoen medioz, euskarri baten gainera adierazten.

Lan horren borobiltzeko, ostirala arratsaldean arte erakusketa bat muntatua izan da kolegioaren baitan. Milesker Jordi Bermejo, If Matxikote eta Nahia Garat artistei.

Informazio gehiago :

https://www.kazeta.eus/eu/info_kz/amp/20221015/artea-xalbador-kolegioaren-nazioarteko-trukaketen-erdigunean

https://gureirratia.eus/berriak/3016-portugal_italia_edota_estoniako_ikasleak_euskal_herria_deskubritzen