MINTZALDIA : pantailak, besteak eta ni

Maiatzaren 21ean, asteartez, 19etatik 21etara, Xalbador kolegioko Hezkuntza Taldeak konferentzia batetara gomitatzen zaitu. Gaia : pantailak, besteak eta ni.

Pantailen erabilpena, eta bestekiko duen eragina (sare sozialak, hiritartasunaren errespetua, nortasun numerikoa…) aipatuko dira.

Konferentzia Tralalalère elkarteko kide Ghislaine Lasausak emanen du. Azalpenen ondotik galdera-erantzunak eta eztabaida izanen dira.

Azken urteetan buraso askoren galdea izan da holako gaualdi baten antolatzea. Ez huts egin !!

 

 

Haurdunaldia eta kontrazepzio metodoak

Biologiko kurtsoan haurdunaldia eta kontrazepzio metodoen inguruan lan egin ondoan, haur sortu berrien zerbitzuan lan egiten duen Maider Franchessena erizaina eta Elai Berasategui emagina errezibitu dituzte 4.ek Seaskako gelan. Ikasleek galdera ugari egin ahal izan dute gai hauen sakontzeko.
Milesker handi bat Seaskako ikasle ohi diren bi profesionalei gomita onarturik.

IKASLE BATZORDEA, ETS, HERRI URRATS, BREBETA EUSKARAZ…

(1)(2)

Pasahitzak : Lehen bideoa (1) : ETS / Bigarren bideoa (2) : Brebeta euskaraz

Testua

BOOKTRAILER LEHIAKETA

Euskarazko irakurketa bultzatzeko xedearekin, Kanboko eta Uztaritzeko mediatekek, Itsasuko liburutegiak eta Euskal Hirigune Elkargoak Booktrailer lehiaketa bat antolatu dute Aldudarrak Bideoren partaidetzarekin. Xalbador kolegioko 5.eko ikasleek parte hartu dute aurtengo booktrailer lehiaketako edizioan. 21 lan egin dituzte taldeka banaturik eta horietarik 12 lehiaketara aurkeztu dituzte.
Maiatzaren 6tik 23ra 12 booktrailerrak bozkatzen ahalko dira : www.kanaldude.eus webgunean.
Eta maiatzaren 23an Kanboko L’Aiglon zinema aretoan sari banaketa izanen da, publikoa eta epaimahaiaren saria hain zuzen ere.

BOZKATZEKO : https://kanaldude.eus/booktrailer/

BOZKATU !!!

LANBIDE FOROA

Xalbadorreko Hezkuntza Taldeak Lanbideen foroa antolatu zuen abenduaren 1ean, 1. aldikoz. Bilana oso baikorra da. Foroa arrakastatsua izan da, bai kopuruen aldetik, bai kualitatiboki.
Helburua zen familiei orientazioaz gogoetatzeko parada eskaintzea, eta toki berezi bat egitea lanbide heziketari, pentsatzen baitugu arlo hori oso interesgarria dela, baina jendartean aski irudi txarra duela.
50 bat profesionalek parte hartu zuen, arlo desberdinetakoak, eta oro har kontent agertu dira ideiarekin, bai eta ere antolaketarekin, eta gehienak berriz etortzeko prest dira (anitz gure ikasle ohiak edo gure burasoak ziren). Bihotzez eskertzen ditugu etortzeagatik !
140 bat familia etorri zen egun horretan (Xalbadorrekoak batez ere, baina Seaskako beste bigarren mailetakoak ere) ; galdetegia bete zutenek balorazio baikorra egiten zuten, proposamen batzuekin batera.
Irakasle batzuek ikasleei zuzendutako joko bat antolatu zuten, eta arrakastatsua izan zen (110 erantzun eta saristatu bat) ; jokoari esker errextu zen ikasleak profesionalengana joatea.
Antolaketa materiala egokia izan da (eskerrak laguntza eman duten guziei, ikasle, irakasle, Pesta Taldeko buraso), nahiz badiren hobetzeko puntuak.
Komunikazio mailan, Seaska mailan komunikatzeko hautua egin zen, foroa Euskaraz iragaiten zela segurtatzeko.
Geroari buruz, Seaska mailan gogoetatuko dugu ea foro hori urtero “itzulikatuz” behar denez antolatu. Gure Hezkuntza Taldea prest da heldu den urtean berriz antolatzeko. Arlo profesionalaren inguruan lanketa egitea garrantzitsua zaigu, bai eta ere Hego Euskal Herriko eskaintzaz informazioa ematea ere.
Ikus argazkiak, geziak klik eginez :