Mota desberdinetako lan metodoak erabiltzen dira, ikasleak bere jakintzak eraiki ditzan. Helburu pedagogiko nagusietariko bat da taldeko ikerketa edota ikerketa pertsonalean sakontzea.

Pedagogia taldearen antolaketa

Mailaka :  Geletako irakasle arduradunak astero elkarren artean biltzen dira, eta bi astero zuzendaria eta hezkuntza aholkulariarekin. Bilkura horiek irakasleen ordutegian sartuak dira. Helburuak : Mailaka koherentzia atxikitzea arlo desberdinetan :

• gelaren jarraipenean
• lan giroa, jarrerak eta abar,
• ikaslearen jarraipenean,
• ikastetxea eta gelaren arteko lotura (ikasleen kontzertazio orduak),
• ikasleen igurikatzeei erantzuteko, proiektuen obratzeko.

  Gaika :  Ber gaiko irakasleen arteko bilkura. Helburuak : Ondoko arloei dagokienez, koherentzia segurtatzea ber gaiko irakasleen artean :

• programen jarraipena,
• lan metodoak,
• ebaluazioa,
• proiektu berezien eramateak,
• ikasleen jarraipena,
• eta abar

  Astearteroko irakasleen kontzertazio bilkurak, arratsaldeko 17:00etatik 18:30etara, irakasle guziak eta hezkuntza talde osoa biltzen ditu :

• Elkarrekiko gogoetak trukatzeko, ikasleen jarraipena, proiektuen finkatzeko eta ikastetxearen proiektuari dagokion zer-nahiren bideratzeko.

  Pedagogia egunetako gaiak, hiruhilekoan behin, partaide guzien artean erabakitzen dira eta formakuntza beharrei lotuak dira :

• praktika pedagogikoak,
• ikasteko bide desberdinetan oinarritzen den pedagogia,
• ebaluaketa,
• eta abar.
• proiektu berezien eramatea eta jarraitzea,

Kanpoko profesional bat etorrarazten ahal dugu.