Goizean Elhuyarrek antolatu zientzia azoka bisitatu dugu. Ondotik,
tailer bat egin dugu hondartzetan eta eguneroko produktuetan diren
mikro plastiko eta nano plastikoari buruz. Lehenik, hautatu dugun
hortz pasta filtro batean pausatu dugu eta ondotik ura gehitu dugu,
nahasketa baten egiteko. Mikroskopian nahasketa hori aztertu dugu,
eta ohartu gara kutsatua zela. Gero hondartzako hondarra ikusi
dugu eta ohartu gara plastiko anitz bazela.
Arratsalde hastapenean gure txandak antolatu ditugu BIO eta MAT-en egindako proiektuen aurkezteko. Ikasle multzo batek BIO-n egindako SEXUALITATEAri buruzko jokoa aurkeztu du, beste batek airearen kutsadura neurketa ezberdinak eta azken batek Xalbador kolegioko ikasleen pantailen erabilera.
Talde bakoitzak etxetxo bat zuen afitxekin apaintzeko eta proiektua aurkezteko. Jendea hurbildu zaigu, batez ere beste ikastetxeetako ikasleak eta pozik azaldu diegu gure proiektua.
